మచ్చుపేటలో నామకరణ మహోత్సవంలో చొప్పరి సదానందం
అర్జున్ సమాచారం, సెప్టెంబర్ 10 / ముత్తారం రిపోర్టర్
ముత్తారం మండలం మచ్చుపేట గ్రామ సర్పంచ్ చిలివేరి జ్యోతి–లక్ష్మణ్ దంపతుల కుమార్తె నామకరణ మహోత్సవం ఘనంగా నిర్వహించారు.
ఈ కార్యక్రమానికి ముఖ్య అతిథిగా పెద్దపల్లి జిల్లా కాంగ్రెస్ పార్టీ ఉపాధ్యక్షులు, మాజీ జడ్పీటీసీ చొప్పరి సదానందం ముదిరాజ్ హాజరై చిన్నారిని ఆశీర్వదించారు. ఈ సందర్భంగా చిన్నారి ఆయురారోగ్యాలతో, సుఖసంతోషాలతో పెరిగి ఉన్నత శిఖరాలను అధిరోహించాలని, భవిష్యత్తులో కుటుంబానికి, గ్రామానికి మంచి పేరు తీసుకురావాలని ఆకాంక్షించారు.
అనంతరం కుటుంబ సభ్యులతో ఆప్యాయంగా ముచ్చటించి శుభాకాంక్షలు తెలిపారు. ఈ కార్యక్రమంలో ముత్తారం మండల కాంగ్రెస్ పార్టీ ప్రజాప్రతినిధులు, నాయకులు, కార్యకర్తలు, కుటుంబ సభ్యులు తదితరులు పాల్గొన్నారు.