టీ,ఎన్జీ,వో సభ్యత్వ నమోదులో లక్షెట్టిపేట, యూనిట్ ముందడుగు.
దండేపల్లి మండలంలో సుమారు 60 మంది నాన్‌ గెజిటెడ్ ఉద్యోగుల చేరిక.. రాష్ట్రంలో మంచిర్యాల జిల్లాను ప్రథమ స్థానంలో నిలపాలని గడియారం శ్రీహరి పిలుపు
అర్జున్ సమాచారం . అక్టోబర్ 24 .మంచిర్యాల జిల్లా.
టీఎన్జీవో మంచిర్యాల జిల్లా .అధ్యక్షుడు గడియారం శ్రీహరి ఆధ్వర్యంలో చేపట్టిన సభ్యత్వ నమోదు కార్యక్రమానికి ఉద్యోగుల నుంచి మంచి స్పందన లభించింది. లక్షెట్టిపేట యూనిట్ పరిధిలోని దండేపల్లి మండలంలో సుమారు 60మంది నాన్‌ గెజిటెడ్ ఉద్యోగులు టీఎన్జీవోలో సభ్యత్వం తీసుకున్నారని ,ఉద్యోగుల ఐక్యతను బలోపేతం చేయడం, సంఘాన్ని మరింత విస్తరించడం లక్ష్యంగా ఈ సభ్యత్వ నమోదు కార్యక్రమాన్ని నిర్వహించారు.
ఈ సందర్భంగా టీఎన్జీవో మంచిర్యాల జిల్లా అధ్యక్షుడు గడియారం శ్రీహరి మాట్లాడుతూ, జిల్లాలోని ప్రతి యూనిట్‌లో సభ్యత్వ నమోదు ప్రక్రియను వేగంగా పూర్తి చేయాలని పిలుపునిచ్చారు. మంచిర్యాల జిల్లాలోని అన్ని యూనిట్లు సమన్వయంతో పనిచేసి, నిర్దేశిత సభ్యత్వ నమోదు కార్యక్రమాన్ని త్వరితగతిన పూర్తి చేయాలని సూచించారు. రాష్ట్రస్థాయిలో సభ్యత్వ నమోదులో మంచిర్యాల జిల్లాను ప్రథమ స్థానంలో నిలిపి, ఇతర జిల్లాలకు ఆదర్శంగా నిలవాలన్నదే తమ లక్ష్యమని పేర్కొన్నారు.
ఉద్యోగులందరినీ సంఘంలో భాగస్వాములను చేయడం ద్వారా సంఘం బలోపేతం అవుతుందని ఆయన అభిప్రాయపడ్డారు. సభ్యత్వ నమోదు కార్యక్రమాన్ని కేవలం సంఖ్యాపరమైన లక్ష్యంగా కాకుండా, ఉద్యోగుల మధ్య ఐక్యతను పెంపొందించే అవకాశంగా చూడాలని సూచించారు. ప్రతి యూనిట్ అధ్యక్షులు, కార్యవర్గ సభ్యులు చొరవ తీసుకొని తమ పరిధిలోని ఉద్యోగులను సంప్రదిస్తూ సభ్యత్వ నమోదు ప్రక్రియను విజయవంతం చేయాలని కోరారు.
ఉద్యోగుల సమస్యల పరిష్కారంలో సంఘాల పాత్ర కీలకమని, సంఘటితంగా ఉన్నప్పుడే ఉద్యోగుల అభిప్రాయాలను సమర్థవంతంగా వినిపించేందుకు అవకాశం ఉంటుందని ఈ సందర్భంగా నాయకులు పేర్కొన్నారు. ఉద్యోగుల భాగస్వామ్యాన్ని పెంచడం, సంఘ కార్యకలాపాలను విస్తృతం చేయడం ద్వారా టీఎన్జీవోను మరింత బలోపేతం చేయవచ్చని తెలిపారు.
దండేపల్లి మండలంలో సుమారు 55 మంది ఉద్యోగులు సభ్యత్వం స్వీకరించడం లక్షెట్టిపేట యూనిట్ పరిధిలో నమోదైన ముఖ్యమైన పురోగతిగా నిలిచింది. జిల్లా వ్యాప్తంగా ఇదే తరహాలో సభ్యత్వ నమోదు కార్యక్రమాన్ని ముందుకు తీసుకెళ్లేందుకు యూనిట్లు కృషి చేయాలని నాయకత్వం భావిస్తోంది. నిర్ణీత లక్ష్యాన్ని సాధించేందుకు ఉద్యోగులు, యూనిట్ నాయకులు సమన్వయంతో పనిచేయాల్సిన అవసరం ఉందని ఈ సందర్భంగా స్పష్టం చేశారు.
ఈ సభ్యత్వ నమోదు కార్యక్రమంలో టీఎన్జీవో మంచిర్యాల జిల్లా కార్యదర్శి బొడ్డు శ్రావణ్ కుమార్, జిల్లా ఉపాధ్యక్షుడు పూదరి నరేందర్, లక్షెట్టిపేట యూనిట్ అధ్యక్షుడు గొల్ల శ్రీనివాస్, యూనిట్ ఉపాధ్యక్షుడు భూమన్నతో పాటు వివిధ శాఖలకు చెందిన ఉద్యోగులు పాల్గొన్నారు. జిల్లాలో సభ్యత్వ నమోదును త్వరగా పూర్తి చేసి, రాష్ట్రస్థాయిలో మంచిర్యాల జిల్లాకు ప్రథమ స్థానం సాధించడమే లక్ష్యంగా ముందుకు సాగాలని నాయకులు పిలుపునిచ్చారు.