ePaper
Saturday, November 21, 2026
ePaper
Homeజాతియంనాగ్‌పూర్‌ పేరును ‘దీక్షాభూమి’గా మార్చండి: సంజయ్‌ రౌత్‌

నాగ్‌పూర్‌ పేరును ‘దీక్షాభూమి’గా మార్చండి: సంజయ్‌ రౌత్‌

📰 Generate e-Paper Clip

అర్జున్ సమాచారం,ముంబై: మహారాష్ట్ర రాజధాని ముంబైలోని దాదర్ మెట్రో స్టేషన్‌ పేరును ‘చైత్యభూమి’గా మార్చాలని మహారాష్ట్ర ప్రభుత్వం నిర్ణయించింది. శివసేన (యూబీటీ) నాయకుడు సంజయ్ రౌత్ దీనిపై స్పందించారు.
‘నాగ్‌పూర్‌’ పేరును కూడా ‘దీక్షాభూమి’గా మార్చాలని ఆయన డిమాండ్‌ చేశారు. శుక్రవారం మీడియాతో సంజయ్ రౌత్ మాట్లాడారు. భారత రాజ్యాంగ నిర్మాత డాక్టర్ బీఆర్‌ అంబేద్కర్, 1956 అక్టోబర్‌లో నాగ్‌పూర్‌లో తన అనుచరులతో కలిసి బౌద్ధమతాన్ని స్వీకరించారని గుర్తు చేశారు. అంబేద్కర్ పట్ల దేశమంతా ఎంతో గౌరవం, గాఢమైన విశ్వాసం కలిగి ఉన్నదని తెలిపారు. ‘దాదర్ అనేది కేవలం ఒక స్టేషన్ మాత్రమే. డాక్టర్ అంబేద్కర్ గారికి ఇచ్చే అత్యున్నత గౌరవం నాగ్‌పూర్ పేరును ‘దీక్షాభూమి’గా మార్చడమే అవుతుంది. ముఖ్యమంత్రి దీనిపై ప్రతిపాదన తీసుకురావాలి. మేము దానికి మద్దతు ఇస్తాం. డాక్టర్ అంబేద్కర్ జీవితంలో సామాజిక విప్లవం నాగ్‌పూర్‌లోని దీక్షాభూమి నుంచే మొదలైంది. ఈ విషయంలో ఏదైనా వివాదం తలెత్తితే, ప్రభుత్వానికి మేం అండగా నిలుస్తాం’ అని ఆయన అన్నారు.
కాగా, 1956 డిసెంబర్‌లో డాక్టర్ బీఆర్‌ అంబేద్కర్ మరణించిన తర్వాత ముంబైలోని దాదర్ ప్రాంతంలోని ‘చైత్యభూమి’ వద్ద ఆయన అంత్యక్రియలు జరిగాయి. ఈ నేపథ్యంలో ముంబైలోని దాదర్ మెట్రో స్టేషన్‌ పేరును ‘చైత్యభూమి’గా మారుస్తామని ముఖ్యమంత్రి దేవేంద్ర ఫడ్నవీస్ ఇటీవల తెలిపారు. దీనికి అవసరమైన ప్రక్రియ త్వరలో పూర్తవుతుందని అన్నారు. అయితే బీఆర్‌ అంబేద్కర్ గౌరవార్థం నాగ్‌పూర్‌ పేరును కూడా ‘దీక్షాభూమి’గా మార్చాలని ఉద్ధవ్‌ ఠాక్రే నేతృత్వంలోని శివసేన (యూబీటీ) డిమాండ్‌ చేస్తున్నది.
========================

RELATED ARTICLES

Most Popular

- Advertisment -
App Icon

Install AS News App

Add to home screen for faster loading and latest updates.

error: Content is protected !!