ePaper
Saturday, November 21, 2026
ePaper
Homeజాతియంఢిల్లీకాంగ్రెస్‌కు కేంద్ర మంత్రి 4 సూటి ప్రశ్నలు.. రాహుల్ గాంధీ వ్యాఖ్యలపై తీవ్ర దుమారం -...

కాంగ్రెస్‌కు కేంద్ర మంత్రి 4 సూటి ప్రశ్నలు.. రాహుల్ గాంధీ వ్యాఖ్యలపై తీవ్ర దుమారం – కాంగ్రెస్ పార్టీని నాలుగు ప్రశ్నలు అడిగిన కేంద్ర మంత్రి రిజిజు – 1962 చైనా యుద్ధ అవమానానికి క్షమాపణ చెప్పాలని డిమాండ్ – భారత్‌ను ఎందుకు పేద దేశంగా ఉంచారో చెప్పాలన్న మంత్రి – దేశ ఆర్థిక వ్యవస్థను అవమానించారంటూ కాంగ్రెస్‌కు ప్రశ్నలు – ఏపెక్ త్రైపాక్షిక భేటీపై ప్రధాని మోదీని విమర్శించిన రాహుల్

📰 Generate e-Paper Clip

 అర్జున్ సమాచారం  : కాంగ్రెస్ పార్టీ, లోక్‌సభలో ప్రతిపక్ష నేత రాహుల్ గాంధీ లక్ష్యంగా కేంద్ర మంత్రి కిరణ్ రిజిజు తీవ్రస్థాయిలో విమర్శలు గుప్పించారు. 1962 నాటి యుద్ధ అవమానానికి కాంగ్రెస్ క్షమాపణ చెబుతుందా? అని ప్రశ్నిస్తూ శనివారం ఆయన నాలుగు సూటి ప్రశ్నలను సంధించారు. చైనాలో జరిగిన ఏపెక్ సదస్సు సందర్భంగా అమెరికా అధ్యక్షుడు ట్రంప్, చైనా అధ్యక్షుడు జిన్‌పింగ్, రష్యా అధ్యక్షుడు పుతిన్ భేటీపై ప్రధాని మోదీని ఉద్దేశించి రాహుల్ చేసిన వ్యాఖ్యలపై రిజిజు మండిపడ్డారు.
ఈ మేరకు ‘ఎక్స్’ వేదికగా స్పందించిన రిజిజు.. 1962 భారత్-చైనా యుద్ధంలో తమ గ్రామాన్ని చైనా ఆక్రమించిందని గుర్తుచేశారు. ఆ చారిత్రక అవమానానికి కాంగ్రెస్ ఎప్పుడు క్షమాపణ చెబుతుందని ఆయన నిలదీశారు. కాంగ్రెస్ పాలనలో భారత్‌ను ఎందుకు పేద దేశంగా ఉంచారో సమాధానం చెప్పాలన్నారు. మన దేశాన్ని ‘పాములు ఆడించేవారి దేశం’గా ఎందుకు ప్రచారం చేశారో వివరణ ఇవ్వాలని డిమాండ్ చేశారు. భారత ఆర్థిక వ్యవస్థను ‘హిందూ రేట్ ఆఫ్ గ్రోత్’ అంటూ ఎందుకు అవమానించారో కాంగ్రెస్ చెప్పాలని ప్రశ్నించారు.
అంతకుముందు రాహుల్ గాంధీ స్పందిస్తూ, కాంగ్రెస్ అధికారంలో ఉండి ఉంటే ఆ అగ్రరాజ్యాల అధినేతల టేబుల్ వద్ద భారత ప్రధాని కూర్చుని ఉండేవారని వ్యాఖ్యానించారు. రాజీపడిన ప్రధాని ఎప్పటికీ అక్కడ కూర్చోలేరంటూ విమర్శించారు. ఈ వ్యాఖ్యలను తీవ్రంగా ఖండించిన రిజిజు, రాహుల్ దేశంలో ఉన్నా, విదేశాలకు వెళ్లినా భారత్‌కు వ్యతిరేకంగా మాట్లాడటం మానుకోవాలని హితవు పలికారు. విదేశీ భారత వ్యతిరేక శక్తులతో ఆయన చేతులు కలిపారని, భారత ప్రజాస్వామ్యం, ఆర్థిక వ్యవస్థపై అసత్య ప్రచారం చేస్తున్నారని ఆరోపించారు.
======================

Previous article
Next article
RELATED ARTICLES

Most Popular

- Advertisment -
App Icon

Install AS News App

Add to home screen for faster loading and latest updates.

error: Content is protected !!