ePaper
Monday, November 16, 2026
ePaper
Homeతెలంగాణడిపాజిట్లపై గరిష్ఠంగా 8 శాతం వడ్డీ.. ఖాతాదారులు సద్వినియోగం చేసుకోవాలి.

డిపాజిట్లపై గరిష్ఠంగా 8 శాతం వడ్డీ.. ఖాతాదారులు సద్వినియోగం చేసుకోవాలి.

📰 Generate e-Paper Clip

డిపాజిట్లపై గరిష్ఠంగా 8 శాతం వడ్డీ.. ఖాతాదారులు సద్వినియోగం చేసుకోవాలి.

కేడీసీసీ బ్యాంకు మేనేజర్ ఎల్. గాంధీ నాయక్, సర్పంచ్ పల్లె ప్రతిమ పీవీరావు సూచన,

అర్జున్ సమాచారం ,నవంబర్ 15 .రామగిరి రిపోర్టర్.

పెద్దపల్లి: రామగిరి: కరీంనగర్ జిల్లా సహకార కేంద్ర బ్యాంకు (కేడీసీసీ)లో డిపాజిట్లపై అందిస్తున్న అత్యధిక వడ్డీ రేట్లను ఖాతాదారులు సద్వినియోగం చేసుకోవాలని బ్యాంకు మేనేజర్ ఎల్. గాంధీ నాయక్, రత్నాపూర్ సర్పంచ్ పల్లె ప్రతిమ పీవీరావు సూచించారు.
రామగిరి మండలం రత్నాపూర్ గ్రామంలో ఆర్థిక అక్షరాస్యత, నగదు రహిత లావాదేవీలపై కళాకారులచే ప్రత్యేక అవగాహన కార్యక్రమం నిర్వహించారు. ఈ సందర్భంగా బ్యాంకింగ్ సేవలు, పొదుపు పథకాలు, ఫిక్స్‌డ్ డిపాజిట్లపై అందుబాటులో ఉన్న వడ్డీ రేట్లు, డిజిటల్ లావాదేవీల వినియోగంపై గ్రామస్థులకు వివరించారు.
ఈ కార్యక్రమంలో బ్యాంకు మేనేజర్ ఎల్. గాంధీ నాయక్ మాట్లాడుతూ.. కేడీసీసీ బ్యాంకులో ఫిక్స్‌డ్ డిపాజిట్లపై గరిష్ఠంగా 8 శాతం వరకు వడ్డీ అందిస్తున్నట్లు తెలిపారు. ప్రజలు తమ పొదుపు మొత్తాలను సురక్షితమైన బ్యాంకింగ్ పద్ధతుల్లో డిపాజిట్ చేసి, అందుబాటులో ఉన్న వడ్డీ ప్రయోజనాలను పొందాలని సూచించారు.
అదేవిధంగా ప్రస్తుత పరిస్థితుల్లో సైబర్ నేరాలు పెరుగుతున్న నేపథ్యంలో ప్రజలు అప్రమత్తంగా ఉండాలని హెచ్చరించారు. గుర్తుతెలియని వ్యక్తుల నుంచి వచ్చే ఫోన్ కాల్స్, సందేశాలు, అనుమానాస్పద లింకుల పట్ల జాగ్రత్తగా వ్యవహరించాలని సూచించారు. బ్యాంకు ఖాతా వివరాలు, ఏటీఎం పిన్, ఓటీపీ వంటి రహస్య సమాచారాన్ని ఎవరికీ వెల్లడించవద్దని తెలిపారు.
కేడీసీసీ బ్యాంకులో ఖాతాదారుల అవసరాలకు అనుగుణంగా పలు రకాల సేవలు అందుబాటులో ఉన్నాయని వివరించారు. బ్యాంకులో లాకర్ సౌకర్యంతో పాటు బంగారు ఆభరణాలపై గ్రాముకు రూ.9,000 వరకు రుణం అందిస్తున్నట్లు తెలిపారు. వీటితోపాటు గృహ నిర్మాణ రుణాలు, గృహ కొనుగోలు రుణాలు, విద్యా రుణాలు, వ్యవసాయ రుణాలు, వ్యవసాయేతర రుణాలు కూడా మంజూరు చేస్తున్నట్లు పేర్కొన్నారు.
డిజిటల్ బ్యాంకింగ్ సేవలను ప్రజలు విరివిగా వినియోగించుకోవాలని కోరారు. ఫోన్‌పే, గూగుల్‌పే వంటి యాప్‌లతో పాటు కేడీసీసీ బ్యాంకు ప్రత్యేక అప్లికేషన్ ద్వారా కూడా బ్యాంకింగ్ లావాదేవీలు నిర్వహించుకోవచ్చని తెలిపారు. నగదు రహిత లావాదేవీల వల్ల సమయం ఆదా కావడంతో పాటు బ్యాంకింగ్ సేవలు మరింత సులభంగా పొందవచ్చని వివరించారు.
బ్యాంకింగ్ సేవలు, రుణాలు, డిపాజిట్లకు సంబంధించిన పూర్తి వివరాల కోసం బ్యాంకు పని వేళల్లో 9121014904 నంబర్‌కు ఫోన్ చేసి సమాచారం పొందవచ్చని మేనేజర్ గాంధీ నాయక్ తెలిపారు.
ఈ కార్యక్రమం ద్వారా గ్రామస్థులకు పొదుపు, డిజిటల్ లావాదేవీలు, సైబర్ భద్రతపై అవగాహన కల్పించారు. బ్యాంకు అందిస్తున్న వివిధ సేవలను ప్రజలు తెలుసుకొని సద్వినియోగం చేసుకోవాలని నిర్వాహకులు సూచించారు.

RELATED ARTICLES

Most Popular

- Advertisment -
App Icon

Install AS News App

Add to home screen for faster loading and latest updates.

error: Content is protected !!