అర్జున్ సమాచారం:
కాణిపాకంలో శ్రీ వరసిద్ధి వినాయకస్వామివారి బ్రహ్మోత్సవాలను పురస్కరించుకుని శ్రీశైల దేవస్థానం తరుపున పట్టువస్త్రాలు సమర్పించబడ్డాయి.
ఈ నెల 14వ తేదీ నుండి ప్రారంభమైన కాణిపాక బ్రహ్మోత్సవాలు అక్టోబరు 4వ తేదీన ముగియనున్నాయి.
ఈ మేరకు శ్రీశైలదేవస్థానం ధర్మకర్తల మండలి అధ్యక్షులు పోతుగుంట రమేష్నాయుడు, ధర్మకర్తల మండలి సభ్యులు జి. లక్ష్మేశ్వరి, జిల్లెల శ్రీదేవి, ధర్మకర్తల మండలి ప్రత్యేక ఆహ్వానితులు వేమిరెడ్డి కోటారెడ్డి, వాయిగండ్ల వెంకటేశ్వర్లు, ఆకుల శ్రీనివాసులు, అర్చకులు, వేదపండితులు, పలువురు అధికారులు, తదితరులు ఈ పట్టువస్త్రాలను సమర్పించారు.
ఈ సమర్పణ కార్యక్రమములో పూతలపట్టు నియోజకవర్గం గౌరవ శాసనసభ్యులు డా. కె. మురళీమోహన్, కాణిపాక దేవస్థాన ధర్మకర్తల మండలి వి. సురేంద్రబాబు, కార్యనిర్వహణాధికారి కె.పెంచలకిషోర్, పలువురు ధర్మకర్తల మండలి సభ్యులు, అర్చకులు, వేదపండితులు పాల్గొన్నారు.
అనంతరం ఈ దేవస్థానం అధ్యక్షులను, ధర్మకర్తల మండలి సభ్యులను, అధికారులను, అర్చకస్వాములు, వేదపండితులు వేదాశీర్వచనముతో సత్కరించారు.
కాగా ఆలయ సంస్కృతి సంప్రదాయాలను దృష్టిలో ఉంచుకొని ప్రతిసంవత్సరం వరసిద్ధి వినాయకస్వామి బ్రహ్మోత్సవాల సమయములో శ్రీశైల దేవస్థానం తరపున ఈ పట్టువస్త్రాలను సమర్పించడం జరుగుతోంది.
