డీ లిమటేషన్ బిల్లు..కాంగ్రెస్ ఒంటరి…
విశ్లేషణ) అర్జున్ సమాచారం డెస్క్ నవంబర్ 17.
దేశవ్యాప్తంగా పార్లమెంట్ నియోజకవర్గాల పునర్విభజన అంశంపై జాతీయ రాజకీయాల్లో అనూహ్యమైన ఏకాభిప్రాయం దిశగా అడుగులు పడుతున్నాయి. పార్లమెంట్ నియోజకవర్గాల పునర్విభజన అంశంపై జాతీయ రాజకీయాల్లో అనూహ్యమైన ఏకాభిప్రాయం దిశగా వేగంగా అడుగులు పడుతున్నాయి. గత ఏప్రిల్లో కేంద్ర ప్రభుత్వం ప్రవేశపెట్టిన 131వ రాజ్యాంగ సవరణ బిల్లును మూకుమ్మడిగా వ్యతిరేకించి అడ్డుకున్న ప్రతిపక్ష ఇండియా కూటమిలోని కీలక భాగస్వామ్య పక్షాలు, ఇప్పుడు తమ వైఖరిని మార్చుకుని సానుకూల సంకేతాలు ఇస్తున్నాయి. ముఖ్యంగా జనాభా ప్రాతిపదికన కాకుండా, అన్ని రాష్ట్రాల్లోనూ సమానంగా 50 శాతం ఫ్లాట్ పెంపు ప్రతిపాదనకు ఎన్సీపీ శరద్ పవార్ వర్గం వర్కింగ్ ప్రెసిడెంట్ సుప్రియా సూలే బహిరంగంగానే మద్దతు ప్రకటించడం జాతీయ రాజకీయాల్లో హాట్ టాపిక్గా మారింది. ఇప్పటివరకు ఈ ప్రక్రియపై తీవ్ర ఆందోళన వ్యక్తం చేసిన ప్రతిపక్ష ఇండియా కూటమిలోని కీలక భాగస్వామ్య పక్షాలు సైతం ఇప్పుడు తమ వైఖరిని మార్చుకుని సానుకూల సంకేతాలు ఇస్తున్నాయి., ముఖ్యంగా ఎన్సీపీ శరద్ పవార్ వర్గం వర్కింగ్ ప్రెసిడెంట్ సుప్రియా సూలే బహిరంగంగానే 50 శాతం ఫ్లాట్ పెంపు ప్రతిపాదనకు మద్దతు ప్రకటించడం, ఇతర ప్రాంతీయ పార్టీలు పరోక్షంగా సమ్మతి తెలపడం హాట్ టాపిక్గా మారింది. ఈ కీలక రాజ్యాంగ సవరణ బిల్లు విషయంలో ప్రధాన ప్రతిపక్షమైన కాంగ్రెస్ పార్టీ దాదాపు ఒంటరిగా మిగిలిపోయే పరిస్థితులు స్పష్టంగా కనిపిస్తున్నాయి.గతంలో జనాభా ప్రాతిపదికన డీలిమిటేషన్ జరిగితే దక్షిణాది రాష్ట్రాలు తీవ్రంగా నష్టపోతాయంటూ డీఎంకే, బీఆర్ఎస్ వంటి పార్టీలు గట్టిగా వ్యతిరేకించాయి. అయితే, కేంద్ర ప్రభుత్వం ప్రతిపాదిస్తున్నట్లుగా భావిస్తున్న ప్రో-రేటా .. అన్ని రాష్ట్రాలకు సమాన నిష్పత్తిలో 50 శాతం సీట్లు పెంచే ఫార్ములాపై ఈ పార్టీలలో సానుకూలత వ్యక్తమవుతోంది. ప్రస్తుతం 543గా ఉన్న లోక్సభ స్థానాలను 50 శాతం పెంచితే ఆ సంఖ్య సుమారు 814 లేదా 815కి చేరుతుంది. ఈ లెక్కన తమిళనాడు సీట్లు 39 నుంచి 58–59కి, ఉమ్మడి తెలుగు రాష్ట్రాల సీట్లు 42 నుంచి 63కి ..తెలంగాణ 25–26, ఏపీ 37–38 , మహారాష్ట్ర సీట్లు 48 నుంచి 72కి, ఉత్తరప్రదేశ్ సీట్లు 80 నుంచి 120కి పెరుగుతాయి. ఏ రాష్ట్రానికీ ప్రస్తుతమున్న తినిధ్య వాటా తగ్గకపోవడంతో ప్రాంతీయ పార్టీలకు ఎలాంటి అభ్యంతరం లేకుండా పోయింది.సమాజ్వాదీ పార్టీ , డీఎంకే, ఎన్సీపీ, బీఆర్ఎస్ వంటి ప్రాంతీయ పార్టీలకు సీట్ల పెంపు అనేది సంస్థాగతంగా పెద్ద ప్లస్ పాయింట్గా మారనుంది. ఒక నియోజకవర్గంలో ప్రస్తుతం 20 నుంచి 25 లక్షల మంది ఓటర్లు ఉండటంతో ప్రజాప్రతినిధులపై పనిభారం పెరిగిందని, 50 శాతం సీట్లు పెరిగితే తమ పార్టీలోని ద్వితీయ శ్రేణి నేతలకు ఎక్కువ టికెట్లు ఇచ్చే అవకాశం దక్కుతుందని ప్రాంతీయ పార్టీల అధినేతలు భావిస్తున్నారు. అందుకే, సుప్రియా సూలే స్వయంగా తమ బారామతి నియోజకవర్గ ఓటర్ల సంఖ్య 22 లక్షలకు చేరిన గణాంకాలను ఉదహరిస్తూ డీలిమిటేషన్ అవసరాన్ని సమర్థించారు.ఇదే తరహాలో ఉత్తరప్రదేశ్లో అఖిలేష్ యాదవ్, తమిళనాడులో స్టాలిన్ వర్గాలు సైతం తమ రాష్ట్రాల వాటా తగ్గనంత వరకు ఈ బిల్లును అడ్డుకోవాల్సిన అవసరం లేదనే అభిప్రాయానికి వచ్చినట్లు రాజకీయ వర్గాల్లో ప్రచారం జరుగుతోంది.మరోవైపు, కాంగ్రెస్ పార్టీ మాత్రం లోక్సభ స్థానాల సంఖ్యను పెంచకుండా, ప్రస్తుతం ఉన్న 543 సీట్ల పరిధిలోనే పునర్విభజన జరగాలని పట్టుబడుతోంది. కాంగ్రెస్ ఈ ప్రతిపాదనను వ్యతిరేకించడం వెనుక ప్రజా ప్రయోజనాల కంటే ఆ పార్టీ అంతర్గత రాజకీయ లెక్కలే ఎక్కువగా ఉన్నాయి. ఉత్తరాది రాష్ట్రాల్లో సంస్థాగతంగా బలహీనంగా ఉన్న కాంగ్రెస్కు, సీట్ల సంఖ్య 815కు పెరిగితే ఆ స్థాయిలో అభ్యర్థులను నిలబెట్టడం, ఎన్నికల వ్యయాన్ని భరించడం పెను సవాలుగా మారుతుంది. పైగా, దక్షిణాదిలో ఉన్న కొద్దిపాటి పట్టు కూడా జాతీయ స్థాయిలో పెరిగే సీట్ల ముందు చిన్నదిగా కనిపిస్తుందనే ఆందోళన ఆ పార్టీలో ఉంది. అయితే, కాంగ్రెస్ సొంత రాజకీయ ఇబ్బందుల కోసం మిత్రపక్షాలు తమ రాష్ట్రాలకు వచ్చే అదనపు సీట్ల అవకాశాన్ని వదులుకోవడానికి సిద్ధంగా లేవు.పార్లమెంటరీ గణాంకాల పరంగా చూస్తే, రాజ్యాంగ సవరణ బిల్లు ఆర్టికల్ 368 ప్రకారం ఆమోదం పొందాలంటే లోక్సభలో హాజరై ఓటు వేసే వారిలో మూడింట రెండొంతుల మెజారిటీ అవసరం. ప్రస్తుతం ఎన్డీఏ కూటమికి లోక్సభలో 293 మంది సభ్యుల బలం ఉండగా, రాజ్యసభలోనూ మెజారిటీ ఉంది. దీనికి తోడు ఎన్సీపీ 8 మంది ఎంపీలు ,డీఎంకే 22 , సమాజ్వాదీ పార్టీ 37 , తృణమూల్ కాంగ్రెస్ 29 , వైసీపీ 4 వంటి పార్టీలు బిల్లుకు అనుకూలంగా ఓటు వేసినా లేదా ఓటింగ్కు గైర్హాజరైనా సభలో ఉన్న సభ్యుల సంఖ్య తగ్గి ఎన్డీఏకు మూడింట రెండొంతుల మెజారిటీ అత్యంత సులువుగా లభిస్తుంది. యితే, సీట్ల పెంపు వల్ల తమ రాష్ట్రాలకు అదనపు ప్రాతినిధ్యం, నేతలకు కొత్త రాజకీయ అవకాశాలు లభిస్తాయని భావిస్తున్న ప్రాంతీయ పార్టీలు కాంగ్రెస్ అభ్యంతరాలను పట్టించుకునే స్థితిలో లేవు. ఒక కీలక రాజ్యాంగ సవరణ బిల్లు విషయంలో విపక్ష కూటమిలో ఏర్పడిన ఈ చీలిక బీజేపీకి బలమైన రాజకీయ అస్త్రంగా మారింది. మిత్రపక్షాలైన ప్రాంతీయ పార్టీలే కేంద్ర ప్రతిపాదనకు తలూపుతుండటంతో, కాంగ్రెస్ పార్టీ తన వ్యతిరేకతను కొనసాగిస్తే మహిళా రిజర్వేషన్లకు, ప్రజాస్వామ్య విస్తరణకు కాంగ్రెస్ అడ్డుపడుతోంది అనే ముద్ర పడే ప్రమాదం ఉంది. రాబోయే పార్లమెంట్ సమావేశాల్లో కాంగ్రెస్ తన పట్టును వీడి ఏకాభిప్రాయానికి వస్తుందా, లేక ఒంటరి పోరాటానికే సిద్ధమవుతుందా అనేది ఇప్పుడు అత్యంత ఆసక్తికరంగా మారింది.అంతేకాకుండా, మహిళా రిజర్వేషన్ బిల్లు నారీ శక్తి వందన్ అధినియం అమలు కూడా డీలిమిటేషన్తో ముడిపడి ఉన్నందున, ఈ బిల్లును వ్యతిరేకిస్తే మహిళా వ్యతిరేక ముద్ర పడుతుందనే భయంతో చాలా పార్టీలు మద్దతు పలకక తప్పని పరిస్థితి నెలకొంది. వెరసి, కాంగ్రెస్ ఎంతగా వ్యతిరేకించినా, ప్రాంతీయ పార్టీల సహకారంతో కేంద్ర ప్రభుత్వం డీలిమిటేషన్ రాజ్యాంగ సవరణను పార్లమెంట్లో సునాయాసంగా పూర్తి చేసే అవకాశాలు స్పష్టంగా కనిపిస్తున్నాయి.

