తవ్వకాలు చేసి వదిలేశారు.. మూడు నెలలుగా ప్రయాణికుల అవస్థలుగోదావరిఖని–మంథని రహదారి దుస్థితి.. వెంటనే పునరుద్ధరించాలని ప్రజల విజ్ఞప్తి .
మంథని.అర్జున్ సమాచారం ప్రతినిధి సెప్టెంబర్ 27.
గోదావరిఖని నుంచి మంథని వరకు వచ్చే ప్రధాన రహదారిలో తవ్వకాలు చేపట్టి మూడు నెలలు గడుస్తున్నా రహదారి పునరుద్ధరణ పనులు ఇప్పటి వరకూ పూర్తికాకపోవడంతో ప్రయాణికులు తీవ్ర ఇబ్బందులు ఎదుర్కొంటున్నారని స్థానిక ప్రజలు ఆవేదన వ్యక్తం చేస్తున్నారు.
రహదారిని తవ్వకాలు చేసిన అనంతరం తిరిగి సరిచేయకపోవడంతో వాహనదారులు, ద్విచక్ర వాహనదారులు ఇబ్బందులు పడుతున్నారని ప్రజలు చెబుతున్నారు. ప్రతిరోజూ ఈ మార్గంలో రాకపోకలు సాగించే ప్రయాణికులు గుంతలు, రహదారి కారణంగా అవస్థలు పడుతున్నారని పేర్కొంటున్నారు.
మూడు నెలలుగా సమస్య కొనసాగుతున్నప్పటికీ రహదారి పునరుద్ధరణపై సంబంధిత అధికారులు తగిన చర్యలు తీసుకోవడం లేదని స్థానికులు ఆరోపిస్తున్నారు. ప్రయాణికుల ఇబ్బందులను అధికారులు, ప్రజాప్రతినిధులు పట్టించుకోవాలని వారు కోరుతున్నారు.
గోదావరిఖని–మంథని రహదారిని వెంటనే పునరుద్ధరించి ప్రజలకు ఇబ్బందులు లేకుండా చూడాలని స్థానికులు విజ్ఞప్తి చేస్తున్నారు. సంబంధిత అధికారులు సమస్యను పరిశీలించి తక్షణమే చర్యలు చేపట్టి రహదారి పనులను పూర్తి చేయాలని కోరుతున్నారు.
