శాంతి గని కార్మికులు భారీగా టీఎన్టీయూసీలో చేరిక…
కార్మికుల సమక్షంలో నూతన ఫిట్ కమిటీ ఏకగ్రీవ ఎన్నిక…
అర్జున్ సమాచారం .నవంబర్ 19 ,బెల్లంపల్లి ప్రతినిధి.
బెల్లంపల్లి: మంచిర్యాల జిల్లా బెల్లంపల్లి ప్రాంతంలోని శాంతి గని లాంగ్వాల్ ప్రాజెక్టులో నిర్వహించిన సమావేశం అనంతరం పలువురు కార్మికులు భారీగా టీఎన్టీయూసీలో చేరారు. ఈ సందర్భంగా యూనియన్ నాయకులు నూతనంగా చేరిన కార్మికులకు కండువాలు కప్పి సాదరంగా ఆహ్వానించారు.
అనంతరం శాంతి గని కార్మికుల సమక్షంలో సింగరేణి కాలరీస్ లేబర్ యూనియన్ జనరల్ సెక్రటరీ టి. మణిరాం సింగ్ సమక్షంలో నూతన ఫిట్ కమిటీని ఏకగ్రీవంగా ఎన్నుకున్నారు.
నూతన ఫిట్ కమిటీ ఎన్నిక.
శాంతి గని లాంగ్వాల్ ప్రాజెక్టు ఫిట్ కార్యదర్శిగా గడమల్ల శంకర్, సహాయ కార్యదర్శిగా హరీష్ పి. శ్రావణ్, జనరల్ షిఫ్ట్ సెక్రటరీలుగా హరిబాబు, పి. నరేష్, ఏ రిలే షిఫ్ట్ ఇన్చార్జిగా ఉట్నూరు శ్రీనివాస్, బి రిలే ఇన్చార్జిగా మిట్టపల్లి సదానందం, సి రిలే ఇన్చార్జిగా పి. నాగేష్లను కార్మికుల సమక్షంలో ఏకగ్రీవంగా ఎన్నుకున్నట్లు నాయకులు తెలిపారు.
కార్మిక సమస్యల పరిష్కారానికి వినతి,
ఈ సందర్భంగా శాంతి గనిని ప్రైవేటు వ్యక్తులకు అప్పగించకుండా సింగరేణి యాజమాన్యమే నిర్వహించాలని నాయకులు కోరారు. భూగర్భ గనిలో ఎస్డీఎల్ యంత్రాలను ప్రవేశపెట్టి ఉత్పత్తిని పెంచాలని విజ్ఞప్తి చేశారు. కార్మికుల దీర్ఘకాలిక పెండింగ్ సమస్యలను పరిష్కరించాలని కోరారు.
కరోనా సమయంలో విధులకు గైర్హాజరయ్యారనే కారణంతో డిస్మిస్ అయిన కార్మికులకు ఎలాంటి షరతులు విధించకుండా తిరిగి ఉద్యోగాల్లోకి తీసుకోవాలని డిమాండ్ చేశారు. గనిలో పనిముట్ల కొరత లేకుండా చూడటంతోపాటు కార్మికులకు నాణ్యమైన బూట్లు, యూనిఫాంలు, హెల్మెట్లు అందించాలని కోరారు. అదేవిధంగా గనిలో సరిపడా గాలి ప్రసరణ ఉండేలా చర్యలు తీసుకోవాలని విజ్ఞప్తి చేశారు. ఈ మేరకు గని మేనేజర్కు వినతిపత్రం అందజేశారు.
కార్యక్రమంలో పాల్గొన్న నాయకులు.
ఈ సమావేశంలో సింగరేణి కాలరీస్ లేబర్ యూనియన్ జనరల్ సెక్రటరీ టి. మణిరాం సింగ్, ఎస్సీఎల్యూ ఉపాధ్యక్షులు గద్దెల నారాయణ, టీఎన్టీయూసీ జిల్లా అధ్యక్షులు ఓ. జీవరత్నం, స్టేట్ ఆర్గనైజింగ్ సెక్రటరీ బొల్లు మల్లయ్య, బెల్లంపల్లి ఏరియా ఆర్గనైజర్ పుల్లూరి పోశం, బెల్లంపల్లి పట్టణ ఉపాధ్యక్షులు గజ్జె దుర్గయ్య, ఎం.డి. అన్వర్ తదితరులు పాల్గొన్నారు.
కార్మికుల హక్కుల పరిరక్షణ, పెండింగ్ సమస్యల పరిష్కారం, గనిలో మెరుగైన పని పరిస్థితుల కల్పన కోసం యూనియన్ నిరంతరం కృషి చేస్తుందని నాయకులు పేర్కొన్నారు.

